Куинь бурдо «Гербер»
Куинь бурдо «Гербер»
«Герберъёс» эстрада кырњанъя «Шулдыр љыт» театрлэн бурд улаз удмурт но, њуч но гуръёсты быдэсъяло. Сцена вылысь етћз батыръёсты адњыса, учкисьёс-нылкышноос концертысь синмаськытэк уг кошко. Ма, асьсэос «герберъёс» но дыдыосты уг палэнто: «Малпан» группаен џош кырњалляло.
Ин куртке но куртке лымызэ. Синъёсме усьтэме ик уг луы. Љужыт беро сапеге тќдьы шобыретэ ялан вые. Шок-пуль дыртћсько филармоние. Синучконме поттыса, тусме эскерисько: мыным али чебер луоно, «Герберысь» пиосты ас палам берыктоно. Вераськонмы угось ќръяськоз кырњанлэсь-сценалэсь палэнтћгес. Яратонзы-туганзы, семьязы - сюлэмысьтызы ватоссы - сярысь тодыны тыршоно.
Тыпыр-тапыр туби филармонилэн 3-тћ этажаз. Йыгаськисько 101-тћ кабинетэ. Пырисько. Котырак крезьгур тћрлыкъёс. Татчы лыктон азям малпай, артистъёс лар! кырњало, репетиция ортчыто, дыр, шуыса. Бакоми: Владимир Мальцев но Павел Васильев шып гинэ пуко љќк сьќрын. Киязы - паяльник! Котыразы - векчи кортъёс, отвёрткаос, молотъёс… Пырась-потасьёс шоры пал синзэс но уг берыкто. Монэ куке-соку синйылтэмез бере Павел Иосифович џогиз:
- Нырысь кенеше Мальцевен. Мон ужме йылаз-пумаз вутто!
Вордћськиз 1964-тћ арын 21-тћ июле Ижын. Школаын дышетскыкуз, одћг ужрадэ но пыриськытэк ќз кыльылы. Город азбаръёстћ но бызьылыны вуттћськылћз - џапак отын гитара сиосты кысканы дышиз. Армия бќрсьы пыриз Ижысь крезьгуръя училищее. Собере кырњаз-тапыртћз «Италмас» ансамбльын, «Айкай» театрын. Быгатонлыксэ волятыса, вуиз «Шулдыр љытэ».
Небыт креслое интыяськи. Юанме сётыса вуттћ-а, ќй-а - Мальцев нукыртэ ини:
- Ма, мон тунсыко вераськыны уг быгатћськы…
- Озьы ке но 2010-тћ арлы кыџе ке йылпумъян лэсьтћды ини, луоз? Кыџе воштћськонъёс, син пќртмась учыръёс ортчизы улонады та аре? - юасько.
Артист, укно шоры учкыса, вить минутлэсь ятыр малпаськиз. Пельёсме чорк! кари. Тани-тани сюлэмез вандћсь кыџе ке учырзэ сипыртоз.
- Оль… Маке номыр но тодам уг лыкты. Улон-вылонэ вќй вылтћ кадь ортчиз - сокем вылће но ќй тубы, улће но ќй лэзькы.
- Кырњасьлэн озьы луэ шат? - выжыятћсько.
- Тодам лыктћз! Туэ ми, 2004-тћ арысен кутскыса, нырысьсэ гастрольёсы потамы. Дас нунал кырњамы-верамы башкир музъем вылын. Ай куать ар талэсь азьло Анатолий Ушаковен гастрольёсы ветлћмы вал - али ке но тодам. Соку угось арнялы гинэ ќвќл, кык толэзьлы кошкылћмы.
Туэ ик кузпалэным вуылћмы Питере. Берлозэ та городын мон вал 1988-тћ арын. Синмаськыса быри вашкала коркаослы. Сюлэмыя луиз соиз но: Питерын улон пќзьыны ќдъя љыт 10-11 часын. Метрое пыр ай - калык тымиськемын, соку гинэ адямиос ужысьтызы берытско. Чылкак мукет улон. Фин зарезьлы пайми: укыр кырсь йќтћз.
Мальцев город сярысь вера-вера, нош мынам сюлэм пирсэкъя ини: кузпалыз пумысен пал кыл но уг поттылы. Џем-а соос тазьы шутэтскыны ветло меда? Кызьы сое кышноез ужысь пумита? Беромыны шедьтэ ке, юн-а куаретэ?
Ярам коть, юанъёсылы валэктонъёсты сипыртћзы «Шулдыр љытысь» нылъёс. Мальцевлэн, пе, Елена кузпалыз картэзлэсь одћг концертсэ но уг кельты! Огшоры кылзыны-учкыны шуыса гинэ, пе, уг ветлы. Яратонэзлэсь сцена вылысен котькуд вамышсэ, куаразэ чакла. Ма, ачиз кырњась но сюлмаське кышноез сярысь. Кыџе ке ёросэ я гуртэ концертэн пото ке, одно ик жингыртоз: «Мон вуи. Ваньмыз умой!»
- Выль аре кыџе кузьымен паймытоды кузпалдэс? - тунсыкъяськисько Владимир Александровичлэсь.
- Мон со љытэ гуртын - вќзаз - луи ке, солэсь бадњым шумпотон ќвќл ни. Угось џем дыръя милемыз витьымтэ шорысь кытчы ке концертэн потто. Адямиос шулдыръясько, артистъёс ужало. Соин но кызьы, кытын, кинэн Выль арез пумитало - та сярысь ноку уг малпаськиськы.
- Москваысь кизилиос ушъясько, Выль ар шулдыръяськонъёсын сомында уксё дуро - бќрысь коть вќлдэтэ сяласа гинэ пук.
- Соин но ваньзы отчы кыстћсько. Ижын та ласянь югдур мукет. Соосты ог-огенызы џошатыны уг луы.
Мальцев њуч бере, удмурт кырњанъёсты аспќртэм амалэн тодаз кельтэ. Кылбурлэсь нырысь букваоссэ йыраз, компьютере сямен, пыџатэ. Паймоно кадь: кќня ар кырњась луыса ужа ини - али но, пе, сцена вылэ потон азяз дырекъя. Москваысь артистъёслэсь творчествозэс юн чакласа возе. Аслэсьтыз образзэ но палэнэ уг кельты - весь йырзэ тћя: кытћыз усто, кытћыз лябгес на.
Владимир Александрович оломар кадь яратэ машинаосты. Нунал лумбыт но та сярысь вераськыны мылкыдыз сузёз. Ай «Шулдыр љытэ» вуэмезлэсь азьло ужбергатћсь но кариськылэм: секыт котыръёсты машинаен нуылэм-вайылэм. Озьы ке но сцена Мальцев борды гижысь-пиньысь кырмиськиз. Ќжыт улыса, со выльысь кырњаны ќдъяз.
Вордћськиз 1957-тћ арын 27-тћ феврале Эгра каргуртын. Ижысь крезьгуръя училищеез йылпумъяса, ужаз Дэри ёрос культура юртын. Та бќрсьы выжиз «Айкай» театре. 1995-тћ арын Валентина Пудовалэн группаяз кырњаз. 2002-тћ арын кќчиз «Шулдыр љытэ».
Ужъёссэ мырдэм но кызьы йылаз-пумаз вуттћз Васильев. Микрофонъёсты, пе, тупатъяй. Зэм, та удысын солэн киыз волямын. «Малпан» группаысь тюрагай Эльвира Панченко чиньыеныз выж шоры возьматэ: тћни, пе, со чемоданэз но Павел Иосифович лэсьтћз. Чемодан пушкы лач-лач интыямын микрофонъёс, солы кулэ луись ёзъёс.
- Та гинэ мар ай - со љќк-пукон но бичаны пќрмытэ! - пусъе Эля.
Выль ардэс кызьы пумитаны дасяськиськоды юанэлы Васильев каллен гинэ вазиз:
- …Туж шыпыт. Дорын. Уг яратћськы, трос адямиос люкасько ке. Юр-яр луэ, ганяк кариськыны маза ќвќл ини. Мон 25 ар пала, Тол бабай кариськыса, куноос дортћ ветлћ. 31-тћ декабре 11 часлы доре мырдэм вуисько вал. Акыльтћ. Матэктћсь Выль арез кызьы син азям пуктћсько? Вазь џукна куасэн ворттыло. Вань пќсямме мунчоын гылто. Собере шутэтско-изё. Љыт пал пќраськыны кутско. 9 час котырын љќк сьќры пуксё.
2011-тћ арын мар лэсьтоно, кыџе малпанъёсты улонэ пыџатоно - кизили та пумысен йырзэ уг висьыты. Куинь ар талэсь азьло солы инсульт пыр потоно луиз. Та вќзы ватсаськиз на эшшо мукетыз: кузпалэныз люкиськиз.
- Мон туж яратћсько витьымтэ шорысь пумиськонъёсты, - вера Павел Иосифович, - тани огез али ке но син азям на. Огпол Вавож ёросэ чорыганы потћмы. Пукиськомы Вало шур дурын. Учкиськомы: нюлэскысь кырсь дћсен тодмотэм воргорон потэ. Дорамы лыктћз, вераськыны кутскимы. Мон, пе, сьќд тэльын огнам улћсько. Милициысь азьвыл капитан. Чорыганмес вунэтыса, быдэс уйзэ тодмотэм пиосмуртлэсь мадемзэ кылзћськыса пукимы. Вера на, эшшо вера, шуиськомы. Нош со пыкиське: ма, акыльтћды ини, дыр, бќтьыртэмелэсь…
Кырњась пусъе: берло вакытэ артистъёс пќлы чорыган мургес но мургес пыџаны ќдъяз ини. Туннэ, Васильевез сяна, визнанэн адњод мукет кизилиосты но: А. Ложкинэз, Г. Ганьковез, А. Ураськинэз, И. Григорьевыхез…
Маин эшшо тунсыкъяське на кырњась? Пќраськонэн. Ачиз ик помидор но будэтэ, ачиз ик сылалтэ но. Нырысь-валысь талы ќй оскы. Эх, малпасько, али мон сое кырмо - мудрон рецептсэ куро. Ачиз гур азьын уг сылы ке, юанэлы валэктон сётыны уз быгаты.
Васильев талы нокыџе ик ќз кариськы. Султћз но шкапысьтыз помидор банказэ поттћз:
- Оскалты!
- Мхм… ческыт! - ымам могыллясько емышез.
- Серебренников кузпалъёслы-кырњасьёслы но туж кельшиз. Табере мынам рецептэя гинэ помидор сылалто на!
Вордћськиз 1975-тћ арын 10-тћ апреле Ижын. Нырысь-валысь ужаз эстрада кырњанъя «Знакомые мелодии» студиын. Кырњаз-вераз А. Анкудиновлэн театр-студияз но, мюзиклэ пыриськылћз. Шаерысьтымы Юстициосъя министерство бордын кылдытэм культурая центрын тыршиз. Туннэ «Шулдыр љыт» театрлэн артистэз луэ.
Русланэн мыным синмысь синме вераськыны ќз кылды. Артист висьыны усем. Озьы ке но «шулдыр љытъёс» дорын час но пуки-а, ќй-а - Руслан сярысь сомында тунсыкозэ кылћ! Вуоно арын Серебренниковлы одно ик удалтыны кулэ - Лудкечлэн араз вордћськемын ук!
Павел Иосифович веранзэ мытћз гинэ - шќдтэк шорысь интыысьтыз султћз. Нош шкап пушказ бугыръяськыны ќдъяз. Вить чиньыяз ик… џашаос бырттэм.
- Руслан кузьмаз. Таос огшорыесь ќвќл. Учкы, - ныр улам кизэ мычиз, - котькудаз котькудмылэн тусбуймы лякемын. Русланлэн соку џап вордћськем нуналыз вал. Сиим-юим, кузьымъёсмес сётъям. Кошкыны дасяським гинэ - со милемыз дугдытэ: табере, пе, мон тћледлы синпельёс люкыло. Тани та џашаосты быдэн сётъяз. Ваньмы сыџе шумпотћмы. Быгатэ ик со матысь адямиоссэ паймытъяны!
Та гинэ ке луысал! Кылем арын Выль ар уе Серебренников, нокинлы вератэк, «Шулдыр љытысь» эшъёсыз доры куное вуылэм. Тол буба сямен пќрмытскем. Ваньзэсты лќпкытъяса кельтэм.
- Мон доры гинэ но - Дэри черкогуртэ - вуылћз, ява! - шуэ Васильев. - Кинлэн ке вордћськем нуналыз ке, ту-у-уж бадњым ту-у-уж ческыт пицца пќра. Мон кадям ик - пќраськыны яратэ.
Туж яратэ на, пе, егит артист мудрон дћсяськыны. Нап-џуж буёлэз оломар кожа. Сцена вылэ потон дћсьсэ но, дорын нуллонозэ но стиль ласянь юн чакласа быръе.
- Уг вунэтћськы ини, - вераськонамы пыриське филармониысь иворъёсты вќлмытонъя специалист Евгения Сундукова, - ноябре Анайлэн нуналаз Можга палъёсы «Кык кизилиос» концертэнымы потћмы. Руслан отын но милемыз абдратћз: «Шулдыр љытысь» нылъёслы канфет коробка пыртћз. Мемилэн праздникеныз њечкыласько, пе.
* * *
Урамын пеймыт кариськиз. Инбам но басылскем, лэся - лымы уг усь ни. Озьы ке но «герберъёс» дорысь кошкыны мылкыд уг сузь ини - ма, џыдод, пе, таџе йќно пиосмуртъёслэсь! Малпай вал соосты аслым синмаськытыны. Ќз пќрмы - ачим кырњасьёслы синмаськыса быри!
Выль ар шулдыр мылкыд татын пќзе ини. Монэ келян сяменыз Владимир Мальцев визь-кенешъёссэ сётэ:
- Мон чакламъя, азьлань улон сярысь малпаськон - со мултэс уж. Шуом, быдэс арлы чаклалод кыџе ке ужъёстэ. Нош соос ќз пќрме ке? Астэ ачид пыкылэмысь уд дугды ук.
Павел Васильев но кылзэ вератэк ќз чида. Очки вылтћз кескич учкыса, кырмыштћз:
- Туннэ нуналлы шумпотыса улоно!
Автор: Ольга Корепанова
Статьи
